SYA'IR ACÈH
INFORMASI
PEMBANGUNAN
“KEHIDUPAN
RAKYAT SEMAKIN SULIT”
23 Maret 2013 M. 11 Jumadil Awal 1434 H
Oleh: Medya Hus/Syeh Min Ckradonya
Kerjasama Radio RRI Pro 1 Banda Aceh Dengan
Dinas Perhubungan Komunikasi informasi dan
Telematika Aceh
Assalamu`alaikum
kawôm meutuah
Saleuem ukhuah bak kamoë dua
Pujoë seulaweuet tabuet tiep sa`ah
Bèk salah salah wahé syédara
Mula phôn haba ta pujoë Allah
Teumpat taseumah lé tanyoë dum na
Diphôn hai sahbat meuhat di babah
Pujoë keu Allah yang maha Esa
Seulaweuet Saleuem keu Rasulullah
Nabi Nyang meugah Pang Ulèe dumna
Lheueh nyan sahabat meuhat tatamah
Lom nyang meutuah keu keluarga
Para ′Ulama mulia leupah
Hana takeubah Salawat dan dô`a
Kruseumangat Rahmat meulimpah
Syukur keu Allah geutanyoë dumna
Nanggroë Acèh nyoë seuramoë Meukkah
Neu bri lé Allah nanggroë that kaya
La ôt deungon glé hasé meulimpah
Mantong cit susah rakyat jeulata
Tapi ′oh jinoë sayang mueluempah
Takalon leumah ngon dua mata
Kehidupan masyarakat sangat lah susah
Rata daerah takalon nyata
Hudép that sulét mita nafakah
Meunan keuh ulah takalon rupa
Dum ureueng meukat ka alôh alah
Daya beli rendah h'ana beulanja
H'ana ngön peue geubloë udép geuh susah
Leupah that payah mita beulanja
Ta eu lawét nyoë meunan keuh ulah
Rakyat barollah sayang lagoina
Padahai Acèh kaya sileupah
Seuramoë Mekkah ji thèe ulua
Acèh meu ceuhu tani that luah
Dumpeue dum mudah Allah karônya
Hasil pertanian melimpah luah
Sampai geu ulah expor ulua
Lagèe breueh bu ngön bawang mirah
Keudelai lomsah jagông lom teuma
Laén-laén lom han peu tapeugah
Ya masya Allah kaya lagoina
Teutapi pakon rakyat dum susah
Dum ho geuilah h'ana beulanja
Rata jeut teumpat geu jak tueng upah
Reu'ôh ngön reu ah dalam uroë kha
Pèng na geu puwoë tapi dit leupah
Meusapeue h'an glah ′oh ta beulanja
Harga pokok meulambông leupah
Han ék tailah sikilo saka
Rakyat menjerit meuceukiek leupah
Pakri ban ulah barang le tan hareuga
Tameubloë barang peureuleu leupah
Tapimeutuah h'an ék tadaya
Seubab lam jaroë tan pèng meusiblah
Ho-ho nyang tahah h'an di peucaya
Bak jameun jinoë nyata ka sudah
Jurang peu misah antara gasien dan kaya
Di ureueng kaya tan lé peumurah
Kue ureueng susah tan lé guenietna
Di ureueng kaya duek rumöh mèwah
Dum peue pih mudah le that hareuta
Udép di gop nyan h'ana tom susah
Hareuta Barollah kaya lagiona
Di ureueng gasien seudéh sileupah
H'ana meu siblah digop nyan atra
Nyo na geu mita na keuh faèdah
Meunyo untuk geu keubah hansép beulanja
Kaya ngon gasien jinoë kaleumah
Jurang peu misah jinoë ka nyata
Cemburu social ′oh dudoë jeulah
Wab hudép susah teranianya
Di công u puntông Aneuk Beuragoë
Merubôk manoë didalam cintra
Meusambông Caé Sampé seuleusoë
Deungo Teungku droë tuha ngön muda
Bak pemerintah jinoë tahimbau
Beu geutém pakoë akan rakyat bla
Rakyat bèk susah rata jeut sagoë
Malam ngon uroë beu ék seujahtra
Hareuga barang neu piké jinoë
Barang sembako bue jitrôn harga
Bèk lé meulambông harga sembako
Rakyat sinaroë susah lagoina
H'an ék dipiké lé rakyat nanggroë
Watèe di meubloë h'ana beulanja
Hai pemerintah neupikè jinoë
Bandum barang nyoeë beu jitrön harga
Neu buka pasar murah bèk jan galak droë
Nyo meunan bagoë h'ana get gura
Jinoë neu piké keu rakyat nanggroë
Pasar murah nyoë tiep uroë beuna
Beu neu kendali harga barang nyoë
Keu rakyat nanggroé neu gaséh beuna
Bèk neu duek mantöng hai pemimpin nanggroë
Si buleuen sigo saweue rakyat bla
Ekonomi di Acèh sayang han bagoë
Ta kalon jinoë h'ana meuputa
Pèng dum meutumpôk teu duek bak sagoë
H'ana bak jaroë pat tacok h'ana
Mungkén pembahasan gohlom seuleusoë
Ulèh DPR keu droë pembahasan gohna
Goh lom geukutok palèe bak jaroë
Goh lom seuleusoë geu kumpôi angka
Όh ka geu bahas bandum ka seuleusoë
Barô hai adoë pèng nyan meuputa
Nyan jeut syédara neu saba jinoë
Gohlom seuleusoë goh meu peu haba
Όh ka mue puta pèng nyan lam nanggroë
Barô geutanyoë meuteumeu rasa
Talakeèe dô`a bak Tuhan sidroë
Beumakmu nanggroë bèk that sengsara
Bukon lé sayang po bungöng geutoë
Ka ulat seudoë rawé keu sutra
Bacut teuk Caé rawé watèe nyoë
Neungo hai adoë Ayah ngön Poma
Ho ka pemimpin nyan na lam nanggroë
Neu piké jinoë rakyat jeulata
Beu neutém kalon rakyat Acèh nyoë
Pakriban jinoe rakyat lam desa
Kehidupan rakyat ta eu lawet nyoe
Sabe lam deuk troe tuha ngon muda
Neu ey beu jelas wahe pemimpin nanggroe
Pakri keuh bagoe rakyat sengsara
Neu kalon rakyat nibak masa nyoe
Aneuk ngon binoe udep nada`a
Hai bapak-bapak pue mimpin nanggroe
Rakyat aceh nyoe bue ek seujahtra
Pakriban cara neu pike jinoe
Rakyat Aceh nyoe beu na keureuja
Bek na pengangguran rakyat geutanyoe
Agam ngon binoe tuha ngon muda
Nyan beutapike le tanyoe jinoe
Keu rakyat nanggroe pike bersama
Supaya hudep bek sabe phang phoe
Malam ngon uroe susah lagoi na
Saleuem ukhuah bak kamoë dua
Pujoë seulaweuet tabuet tiep sa`ah
Bèk salah salah wahé syédara
Mula phôn haba ta pujoë Allah
Teumpat taseumah lé tanyoë dum na
Diphôn hai sahbat meuhat di babah
Pujoë keu Allah yang maha Esa
Seulaweuet Saleuem keu Rasulullah
Nabi Nyang meugah Pang Ulèe dumna
Lheueh nyan sahabat meuhat tatamah
Lom nyang meutuah keu keluarga
Para ′Ulama mulia leupah
Hana takeubah Salawat dan dô`a
Kruseumangat Rahmat meulimpah
Syukur keu Allah geutanyoë dumna
Nanggroë Acèh nyoë seuramoë Meukkah
Neu bri lé Allah nanggroë that kaya
La ôt deungon glé hasé meulimpah
Mantong cit susah rakyat jeulata
Tapi ′oh jinoë sayang mueluempah
Takalon leumah ngon dua mata
Kehidupan masyarakat sangat lah susah
Rata daerah takalon nyata
Hudép that sulét mita nafakah
Meunan keuh ulah takalon rupa
Dum ureueng meukat ka alôh alah
Daya beli rendah h'ana beulanja
H'ana ngön peue geubloë udép geuh susah
Leupah that payah mita beulanja
Ta eu lawét nyoë meunan keuh ulah
Rakyat barollah sayang lagoina
Padahai Acèh kaya sileupah
Seuramoë Mekkah ji thèe ulua
Acèh meu ceuhu tani that luah
Dumpeue dum mudah Allah karônya
Hasil pertanian melimpah luah
Sampai geu ulah expor ulua
Lagèe breueh bu ngön bawang mirah
Keudelai lomsah jagông lom teuma
Laén-laén lom han peu tapeugah
Ya masya Allah kaya lagoina
Teutapi pakon rakyat dum susah
Dum ho geuilah h'ana beulanja
Rata jeut teumpat geu jak tueng upah
Reu'ôh ngön reu ah dalam uroë kha
Pèng na geu puwoë tapi dit leupah
Meusapeue h'an glah ′oh ta beulanja
Harga pokok meulambông leupah
Han ék tailah sikilo saka
Rakyat menjerit meuceukiek leupah
Pakri ban ulah barang le tan hareuga
Tameubloë barang peureuleu leupah
Tapimeutuah h'an ék tadaya
Seubab lam jaroë tan pèng meusiblah
Ho-ho nyang tahah h'an di peucaya
Bak jameun jinoë nyata ka sudah
Jurang peu misah antara gasien dan kaya
Di ureueng kaya tan lé peumurah
Kue ureueng susah tan lé guenietna
Di ureueng kaya duek rumöh mèwah
Dum peue pih mudah le that hareuta
Udép di gop nyan h'ana tom susah
Hareuta Barollah kaya lagiona
Di ureueng gasien seudéh sileupah
H'ana meu siblah digop nyan atra
Nyo na geu mita na keuh faèdah
Meunyo untuk geu keubah hansép beulanja
Kaya ngon gasien jinoë kaleumah
Jurang peu misah jinoë ka nyata
Cemburu social ′oh dudoë jeulah
Wab hudép susah teranianya
Di công u puntông Aneuk Beuragoë
Merubôk manoë didalam cintra
Meusambông Caé Sampé seuleusoë
Deungo Teungku droë tuha ngön muda
Bak pemerintah jinoë tahimbau
Beu geutém pakoë akan rakyat bla
Rakyat bèk susah rata jeut sagoë
Malam ngon uroë beu ék seujahtra
Hareuga barang neu piké jinoë
Barang sembako bue jitrôn harga
Bèk lé meulambông harga sembako
Rakyat sinaroë susah lagoina
H'an ék dipiké lé rakyat nanggroë
Watèe di meubloë h'ana beulanja
Hai pemerintah neupikè jinoë
Bandum barang nyoeë beu jitrön harga
Neu buka pasar murah bèk jan galak droë
Nyo meunan bagoë h'ana get gura
Jinoë neu piké keu rakyat nanggroë
Pasar murah nyoë tiep uroë beuna
Beu neu kendali harga barang nyoë
Keu rakyat nanggroé neu gaséh beuna
Bèk neu duek mantöng hai pemimpin nanggroë
Si buleuen sigo saweue rakyat bla
Ekonomi di Acèh sayang han bagoë
Ta kalon jinoë h'ana meuputa
Pèng dum meutumpôk teu duek bak sagoë
H'ana bak jaroë pat tacok h'ana
Mungkén pembahasan gohlom seuleusoë
Ulèh DPR keu droë pembahasan gohna
Goh lom geukutok palèe bak jaroë
Goh lom seuleusoë geu kumpôi angka
Όh ka geu bahas bandum ka seuleusoë
Barô hai adoë pèng nyan meuputa
Nyan jeut syédara neu saba jinoë
Gohlom seuleusoë goh meu peu haba
Όh ka mue puta pèng nyan lam nanggroë
Barô geutanyoë meuteumeu rasa
Talakeèe dô`a bak Tuhan sidroë
Beumakmu nanggroë bèk that sengsara
Bukon lé sayang po bungöng geutoë
Ka ulat seudoë rawé keu sutra
Bacut teuk Caé rawé watèe nyoë
Neungo hai adoë Ayah ngön Poma
Ho ka pemimpin nyan na lam nanggroë
Neu piké jinoë rakyat jeulata
Beu neutém kalon rakyat Acèh nyoë
Pakriban jinoe rakyat lam desa
Kehidupan rakyat ta eu lawet nyoe
Sabe lam deuk troe tuha ngon muda
Neu ey beu jelas wahe pemimpin nanggroe
Pakri keuh bagoe rakyat sengsara
Neu kalon rakyat nibak masa nyoe
Aneuk ngon binoe udep nada`a
Hai bapak-bapak pue mimpin nanggroe
Rakyat aceh nyoe bue ek seujahtra
Pakriban cara neu pike jinoe
Rakyat Aceh nyoe beu na keureuja
Bek na pengangguran rakyat geutanyoe
Agam ngon binoe tuha ngon muda
Nyan beutapike le tanyoe jinoe
Keu rakyat nanggroe pike bersama
Supaya hudep bek sabe phang phoe
Malam ngon uroe susah lagoi na
Nyan keuh neu pike hai bapak jinoe
Rakyat lam naggroe beu ek seujahtra
Neu peugot irigasi keu ureueng meugoe
Seunang rakyat droe oh geu seumula
Meunyo le hasil didalam nanggroe
Han payah ta bloe breueh nanggroe lua
Seunang di rakyat seunang ditanyoe
Makmu lam nanggroe karu han le na
Nyan keuh pemimpin neu pike jinoe
Bek neu deuk keudroe seunang bak vila
Sayang that rakyat sideh ngon sinoe
Pemimpin nyang troe rakyat nyang papa
Takoh beureuhoi boh keutoi rangkang
Ta sek boh mamplam kulet beu gleh-gleh
Ho ka syedara inong ngon agam
Nyoe bacut peusan bak lon hai wareh
Peukarangan rumoh neu manfaatkan
Untuk kuebutuhan dapu neuh meuceh
Neu pula gule lam peukarangan
Nyan keubutuhan tanyoe hai wareh
Hana payah bloe sayor di peukan
Na lam peukarangan neu pula uroe jeh
Le that meubantu lam kehidupan
Tinggai anggaran hana le habeh
Udep mandirir geutanyoe rakan
Beu na pikiran tanyoe hai wareh
Beu tapeuguna nyan peukarangan
Di sampeng bak nyan halaman kagleh
Pajan peureulee jeut tapot rijang
Bandum atra nyan keu droe teuh wareh
Nyan keuh hai syedara haba lon peusan
Inong ngon agam sinoe ngon sideh
Meunan keuh bagoe nyang kamoe peusan
Dalam karangan dua lhee bareh
Lewat Radio meuato kalam
Dalam hiburan meubaca Tambeh
Leubeh ngon kureung bandum hai Cut Bang
Bak kamoe karang kadang han gleh
Meu`ah beuraya nyona nyang curang
Kadang bak kadang na nyang meulanggeh
Kasep syedara haba meureupang
Kamoe meuriwang acara habeh
Menyo jeut neungui neu pakek rijang
Deungon Wassalam terimong gaseh
-0-
Naskah Oleh: Cek Medya Hus & Syeh Min Cakra
Dibaca Oleh:
Cek Medya Hus dan Syeh Min Cakra
Dônya
Di RRI Pro 1 Banda Aceh Tgl. 11 Jumadil Awal 1434 H
Dan. 23 Maret 2013 M Jam -20 - 05 s/d 20—30 wib
Dan. 23 Maret 2013 M Jam -20 - 05 s/d 20—30 wib
Malam Minggu
SYA'IR ACÈH
INFORMASI
PEMBANGUNAN
“KEJAHATAN
MERAJALELA”
30 Maret 2013 M.
18 Jumadil Awal 1434 H
Oleh: Medya Hus/Syeh Min Ckradonya
Oleh: Medya Hus/Syeh Min Ckradonya
Kerjasama Radio
RRI Pro 1 Banda Aceh Dengan
Dinas
Perhubungan Komunikasi informasi dan Telematika Aceh
Asslamu`alaikum
kawôm meutuah
Saleuem sipatah
bak kamoe dua
Peuneu phôn haba
Saleuem meuseurah
Saleuem ukhuwah
seusama hamba
Nyang bri nyoe
sunat nyang jaweub beupah
Wajeb meutuah
seu-ot beurata
Tanda mulia dan
ngat na berkah
Nibak Po Tallah
meuteumèe Fahla
Wahé syédara
rakan meutuah
Bacut meupeugah kalèwat
Sastra
Bak Radio RRI Seni
meupeuhah
Syair meulah
gantoe halua
Informasi
Pembangunan dalam daerah
Kamoe ci kisah dua
lhèe banja
Kadang
meumeuguna citna paèdah
Neutueng
beubagah simpan lam dana
Informasi kali
nyoe kamoe nyoe nyang peugah
Saboh masalah kejahatan
lam dônya
Ka meuraja lela
hana peue peugah
Rap jeut daerah
lam jeuet kutika
Di nanggroe
tanyoe jeut sagoe leumah
Tiep uroe Allah
deungo berita
Ubit ngon rayek
katrôh dikeue sah
Nyang pubuet
salah meumacam rupa
Kasus kejahatan
tiep jan masalah
Ceumeucue rampah
Sabu Narkoba
Poh meupoh Teror
didor rô darah
Ancaman keras
Culik Manusia
Pakon keuh
meunan kejahatan luah
Malah meutamah
korban Manusia
Ngo perkosaan
lheueh nyan lom mukah
Rata daerah
tadeungo berita
Hudép manusia ka
jahé leupah
Nyang meunan
ulah musôh Agama
Pakon keuh
meunoe nanggroe tanyoe sah
Le Hamba Allah
dalam durjana
Di saboh seubab
meuhat ka jeulah
Kadeue Aqidah
umat lam dônya
Umat Islam Iman
di minah
Kaleumöh leupah
didalam dada
Deungon Syari`at
cit ji-ôh leupah
Beuthat dibabah
Kalimah dua
Syèthan peudaya
Manusia juah
Dum na perintah
mandum dilangga
Dak pendidikan
pih tan that jeulah
Iseulamiyah
lagee keugura
Nyo rot Sikula
kateuntèe tan pah
Nyo kon bak
Dayah pane na guna
Nyan keuh jeut
seubab jahat le leupah
Karna Aqidah
hana tabina
Gadoh keu dônya
Ilmèe tapeupah
Nyang wajeb
kasha hana takira
Nyan saboh
seubab jahat serakah
Tuwo keu Allah
dum Manusia
Tuwo Agama nyang
na Faedah
Tacok nyang
salah tinggai nyang beuna
Saboh seubab
teuk aneuk meutuah
Sulet sileupah
bak mita kerja
Sumpet that cara
mita nafakah
Sulet meuleupah
lapangan kerja
Kareuna hudep
meuseupet leupah
Peue lom that
susah hudep meurana
Karna terdesak
karoh bak salah
Ceumeuceue
rampah roh geukeurija
Nyan saboh
akibat jahat meuluah
Ureueng deuek
susah mita beulanja
Peuelom tan Iman
nyan ka roh salah
Demi Rupiah
karoh buet desya
Peue lom di
Hukom hantom nyang napah
Leumoh
meuleumpah hukom Negara
Talo deungon
peng meunang geng salah
Ureung seurakah
galak lagoe na
Dan lom takalon
ek bron hai Ayah
Pemimpin nyang
salah pih le lagoe na
Pemimpin Salihin
nyang tem Ibadah
Ade perintah,
jareung ngon langka
Keteladanan
Pemimpin tangieng ka jeulah
Rata daerah
jinoe tan le na
Kepercayaan
rakyat meuhan han le pah
Kale that salah
pemimpin Bangsa
Maka karna nyan
kejahatan leumah
Tan le soe papah
hukom nyang beuna
Seusabe Islam
hantam ngon hujah
Meu rô-rô darah
sesama Bangsa
Padahai tanyoe
sinoe hai Ayah
Ban dua blah sah
saboh Agama
Cit saho kiblat
bulat searah
Pakon jeut
fitnah tatem meuhina
Pakon ureueng
Islam Kejam meuleupah
Sama Islam sah
paké tiep masa
Hana taingat
nyan Siksa Allah
Keudeh geukeubah
dalam Nuraka
Nuraka Jahannam
nyan teumpat jeulah
Lam apui mirah
tarasa siksa
Soe nyang poh
meupoh sisaboh darah
Saboh Aqidah saboh
Agama
Beuna tapike
wahe e-ayah
Siksa Po Tallah
u-ateueh gata
Meunyo mantong
buet jeuheut tatamah
Nuraka luwah
teumpat di gata
Aneuk Tiyông di
công bak nipah
Aneuk Reungkah
ateueh bak ara
Jinoe atasi
jeuet si tapapah
Keujahatan bek
luah meuraja lela
Peurunoe umat
meuhat nyang jeulah
Dum Hukom Allah
beuna tabina
Meunan nanggroe
jeut sagoe papah
Bek le nyang
susah rakyat jelata
Lapangan kerja
peuna beubagah
Lheueh nyan
nyang that pah ade nyoe beuna
Dan lom Hukom
tegah beupah pah
Bek ureung susah
tamong penjara
Ureung nyang le
peng dang eng meuleupah
Beuthat beusalah
ji-oh penjara
Teubiet ulua di
khem meuhah-hah
Nyo meunan ulah
meuubah hana
Jinoe tapike
sare beujeulah
Bak buet nyang
salah bek na lam donya
Rayek ngon ubiet
beujeut tapinah
Bek sampe Allah
tanyoe geu Murka
Keuepeue tahudep
sep hayeue gagah
Lam nanggroe
luah jahat tapuga
Meunyo kejahatah
han tanyoe ubah
Tapreh Po Tallah
geupeutron bala
Nyoe keuh haba
nyangka meupeugah
Geulantoe Dakwah
seruan meuba
Lam bidang Cae
kamoe ci peugah
Nyo na paedah
pasoe lam dada
Meunyo hana got
bagah geupinah
Tacok meutuah
nyang got haba
Leubeh ngon
kureueng meulakee meu`ah
Singoh lom kisah
meusambong teuma
Nibak RRI kamoe
ci olah
Rot Cae daerah
Seni Budaya
Sekian ehnoe
kakamoe peugah
Alhamdulillah
kasamporeuna
-0-
Naskah Oleh: Cek Medya Hus
Dibaca Oleh:
Cek Medya Hus dan Syeh Min Cakra
Dônya
Di RRI Pro 1 Banda Aceh Tgl. 18 Jumadil Awal 1434 H
Dan. 30 Maret
2013 M
Jam -20 - 05 s/d 20—30
wib
Malam Minggu