CAÉ ACÉH
"BÈK NA LÉ
KEKERASAN"
Oleh Medya Hus
Kruseumangat Rahmat meulimpah
Dari Po Tallah lam Dônya Tuhan
Supaya hudép rakyat barôllah
Lam dônya luah aman dan nyaman
Aman ngon damè tan meuparikah
Jalén ukhuwah seusama Insan
Saléng menjaga beuna ngon salah
Lam bumoe Allah bèk kekerasan
Bak acara nyoe jinoe
lôn peugah
Ngon haté Ikhlas lôn bi seruan
Nyoe narit rakyat beuthat neupapah
Nyang hudép susah lam bumoe tuhan
Lam nanggroe damè bèk na lé susah
Peue lom masalah bak penyiksaan
Hukôm ta teugak bak adé leupah
Bèk na meuilah tapiléh Insan
Adak na ureueng tadrop nyang salah
Paréksa bagah bèk poh takuran
Bèk tampa sipak
lantak bak babah
Sampé rô darah lam
penyiksaan
Hak asasi munusia ta junjông bagah
Dum hamba Allah bi perlidongan
Tategak hukom beu ade leupah
Bek sampe salah oh te tajalan
Nyo hana ade hukom kasalah
Rakyat barollah hudep tan aman
Terjadi konplik hek bak tapeuglah
Kareuna salah hukom peujalan
Peuraho raya bungka u-barat
Di la-ot selat aroh
peudoda
Beuna neugaseh beuna neuingat
Keu hudep rakyat duson ngon kuta
Peue lom dirakyat hudep meularat
Hana bak ingat nafakah mita
Karoh teulanjo tajo buet jahat
Geucue boh langsat ngon manok dara
Roh di teumeucue breueh bu tan meupat
Oh te ditangkap kakeunong singkla
Goh lom pareksa ka nuga takat
Sikasaan that brat teubiet ie mata
Pokon jeuet maleng kasanteng that-that
Brueh bu tan meupat hudep sengsara
Pakon sengsara nanggroe kaya that
Ci pike si at wahe syedara
Nyang cue peng nangroe paloe hanathat
Hudep geuk mangat siksaan hana
Hareuta kale hudep mewah that
Pakon geukarat cue peng neugara
Ureueng korupsi leupie ngon mangat
Hukoman tan brat na pengacara
Nyo nyang cue manok dikhok meutatat
Nyang cue peng rakyat bebas bicara
Peue ek na ade ci pike si-at
Susah that rakyat nyo meunan cara
Lapangan kerja pih hana meupat
Nyang ladom meuhat geujak ulua
Ladom malaisya india arab
Dijak hareukat mita beulanja
Oh te trok keudeh pih peudeh that brat
Roh pubuet jahat seudeh lagoe na
Pihak dinanggroe hudep meularat
Waloe ji-oh that hana di kira
Meunan keuh bagoe jinoe hai sahbat
Le masyarakat hudep dalam jra
Jinoe beusaban rakan taingat
Nanggroe berdaulat ade tajaga
Hak udep ureueng beuna taingat
Timu ngon barat aman tajaga
Bek na le penyiksaan kiban nyang mangat
Nanggroe nyoe meuhat kon hukom rimba
Beutoi ngon salah beupah
peuteupat
Bah rayek pangkat tamong penjara
Etnoe keuh bacut haba peuingat
Nyo kureueng mangat meu'ah beuraya
Meunyo na cocok cok keu mamfa'at.
Geunantoe ubat on kayee rimba
Pengarang Medya Hus
0 Comments:
Posting Komentar